2015 წლის 1 ივნისს, ბავშვთა დაცვის დღეს ქარელის და კასპის რაიონების საოკუპაციო ხაზის გასწვრივ მდებარე სოფლებში მცხოვრები სკოლის მოსწავლეები ესტუმრნენ უკრაინის საელჩოს.

საქართველოს საგარეო საქმეთა სამინისტროს მიერ ორგანიზებული  «ღია კარის დღე: ტური–ვეცნობით სამყაროს» პროექტის ფარგლებში, მონაწილეები გაეცნენ უკრაინელი ერის ისტორიას, კულტურას და ტრადიციებს, და აგრეთვე მიიღეს ინფორმაცია თანამედროვე პირობებში უკრაინას და საქართველოს შორის თანამშრომლობის შესახებ.

გარდა ამისა, საელჩოში ბავშვებს ჩაუტარეს ექსკურსია და გადასცეს სამახსოვრო სუვენირები.