2013 წლის 27 მარტს თბილისში (საქართველო) გაიმართა მ12 საერთაშორისო კონფერენცია «ნავთობი, გაზი, ენერგეტიკა და ინფრასტრუქტურა – GIOGIE 2013". აღნიშნული ღონისძიების ჩატარების დროს  მონაწილეებმა  წარმოადგინეს თემატური მოხსენებები, ისაუბრეს ახალი რეგიონალური ენერგეტიკული პროექტების რეალიზაციის პერსპექტივებზე, განსაზღვრეს  აღნიშნული სფეროს პრობლემატური საკითხები.

სხვებთან ერთად ღონისძიებაში მონაწილეობდნენ ენერგეტიკისა და ბუნებრივი რესურსების მინისტრი კახა კალაძე, უკრაინის ენერგეტიკისა და ქვანახშირის მრეწველობის მინისტრი ედუარდ სტავიცკი, საქართველოს ნავთობისა და გაზის კორპორაციის დირექტორი  (GOGC) დავით თვალაბეიშვილი, საქართველოში ევროკავშირის წარმომადგენლობის თავჯდომარე ფილიფ დიმიტროვი და სხვა.

კონფერენციის მონაწილეებმა განიხილეს აქტუალური საკითხების რიგი, დაკავშირებული ნავთობის და გაზის საქართველოს ტერიტორიით ტრანსპორტირების საერთაშორისო ენერგეტიკული პროექტების რეალიზაციასთან, განსაზღვრეს რეგიონალური და მსოფლიო ენერგეტიკული ბაზრების განვითარების მიმართულებები, გაანალიზეს სიტუაცია, რომელიც დაკავშირებულია საქართველოს ეკონომიკაში, კერძოდ ენერგეტიკულ სფეროში, უცხოელი ინვესტიციების მოზიდვასთან.

აღსანიშნავია ის, რომ საქართველოში უკრაინის დელეგაციის ყოფნის დროს, უკრაინის ენერგეტიკისა და ქვანახშირის მრეწველობის მინისტრმა ე.სტავიცკიმ ჩაატარა სამუშაო შეხვედრა ვიცე–პრემიერთან, საქართველოს ენერგეტიკისა და ბუნების რესურსების მინისტრთან კახი კალაძესთან, რომლის დროსაც იქნა განხილული ენერგეტიკულ სფეროში უკრაინულ–ქართული თანამშრომლობის პერსპექტივები.